بقلم / طه إبراهيم فين حقي
فين حقي
فين حقي يا أمي
كان نفسي تهتمي
فرطي ف دمي
ف المحنه سبتيني
وزهقتي من همي
بالرخص بعتيني
وأرتحتي من يمي
كان نفسي يا غاليه
تخديني وتضمي
كان نفسي يا غاليه
أكبر ف أحضانك
وتشيلي وتسمي
وارعي ف أغصانك
وتربي وتحمي
وضمي أخواتي
وتصوني وتلمي
كان نفسي تحميني
من شر اعدائي
بالقهر ظلموني
واتشطروا ف ذمي
كان نفسي تحميني
كان نفسي تهتمي
فين حقي يا أمي
سبتيني لديابه
تنهش ف أعصابي
والدنيا قلابه
تخطف ف أحبابي
يا دنيا فين عدلك
جوه العيون غدرك
والضحكه كذابه
ظلماني من يومك
ولا حد بيلومك
والقسوه غلابه
سبتيني ليه يامه
محجوز ف بوابه
كان نفسي تحميني
كان نفسي تهتمي
فين حقي يا أمي
***********
بقلم / طه إبراهيم
شاهد المزيد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.