الشاعر الرائع طارق فريد
من نوادري العامية .. اهديها اليكم احبابي في كل ارجاء الوطن العربي ..قصيدة : تُبت خلاص ... من كلماتي ..( طارق فريد.. كاتب وشاعر )
اتعهد انا الشعب العربي المحروم
صاحب العزة والتاريخ
والجيب المخروم
بعلنها واقول تُبت خلاص
وحعيش بلاص مخموم
كلمة حق
ومش حقول تاني لأ ..
ومش حقوووم ........
غلي وغلي الاسعار
دوس عليه موتني
ماليكش دعوة كروتني
اياكشي اولع نار
ولا اموت مسموم
يالا مضيني وهات الاقرار
ولو مُت اكتبلك من دلوقتي
شهادة انتحار .....
.
لا حمشي بمسيرة
ولا اشارك بثورة
وحأيد الحمار.....
ولو زعل حد مني
مستعد البس خمار
وحقاطع اللحمة كمان
وحكره الفراخ والبط والكافيار
واطفي النور بعز الليل
لحد مايطلع النهار
وأبات جعان وايه يعني
ماهوكله في سبيل الحمار
وحسمع فن هابط
واشوف فيلم جامد
وع القهوة حرابط
واشتم الاحرار......
وحتعلم باليه
والبس سواريه
وارمي ورقي وقلمي
واسهر في الكباريه
واللي يقولي فاجر
حرشه بمية نار في عنيه
وحصاحب مظهر وبرُهامي
واللي كان حرامي
ويمكن اتعلم كاراتيه
ولو في يوم لقتني عاله
ع المزز ويا السكارى
حشد رحالي وهاجر
واسمع الكلام واسافر
بس مش حرجع تاني يابيه ....( طارق فريد)
شاهد المزيد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.