الشاعر المبدع عادل الشهابي

****** بينكم مسافات *******

سألونى ليه بتحب دى بالذات ...

رغم أن فيه بنكم مسافات ...

حتى مخيم عليكم السُكات ...

قولت بعيد لكن ساكن وجدانى ...

عايش معايا حسه كمان فى مكانى ..

بهواه وهو كمان يهوانى ...

وغيره فى قلبى مالوش مكان تانى ..

حاسه بيدعى رب العرش يرعانى ...

من غيرك حبيبى أكيد كتير هعانى ..

وحشنى صوتك وكلامك ..

وحشنى ضحكك وخصامك ...

وأيدى وحشاها سلامك ...

ببعتلك مع كل صباح ..

دعوه وبوسه مع الفجر اللى لاح ...

حبيبى أطمن بعشقك أرتاح ...

مهما يكون فيه بينا مسافات ...

حتى لو أختلفت بينا اللهجات ...

حتى نابض بحبك لسه ما مات ...

مهما تبعدنا السنين ...

بينا هيكون الحنين ...

هنفضل أكيد عاشقين ..

حبيبى صورتك فى عينى ...

عيشقك حبيبى مالينى ..

معاك أنا حاسس بسنينى ...

أياك تكون ناسينى ...

مد ليا أديك ...

مشتاق حبيبى اليك ...

سألونى ليه أنت بالذات ...

قولت حاضرى وكل الذكريات ....

بقلــــــم: عــــــادل الشـــــــهــابى

شارك