**معقولة ياواد**بقلم المبدع /محمود مسعود**

**معقولة ياواد**
ــــــــــــــــــــــــــ
معقوله يا واد عطشان
وفي ايديك المايه
قلبي فيك هيمان
ومحتاج حنيه
معقوله في ايديك المايه
دا انا ياواد عطشان
مش لاقي ملاغيه
خليك عامل تقلان !!
ماشي في الجنينية
بالقلة القناوي
علي راسك تتمايل
وعامل مش غاوي
طب ارمي بس نظرة
تقولي حكاوي
أفهمها ياواد بلمحة
دا أنا الغاوي
معقولة في ايديك المايه
وأنا ياواد عطشان
قطرلي شويه شويه
يمكن أكون تعبان
أنا عارفك مش قاسي
وحنين وجميل
مش ممكن تتأخر
لو حستني عليل
أنا في حبك متقندل
رق يا واد ولين
بكره الحال تتعدل
أدفع مهرك ملايين
معقوله ياواد عطشان
وفي ايديك المايه
قلبي ياواد هيمان
ما ترق له شويه
معقوله معقوله !!
ـــــــــــــــــــــــــــــــــــــــــــــــــــــــــــــــ
بقلمي / محمود مسعود ( شعر عامي ) 7/2/2016م

شارك