بقلم.. صباح ضاحى طالت ما بينا.. المسافات جريدة رواد الغد الثقافية
طالت ما بينا.. المسافات
وراحت مننا..أجمل الحاجات
حب دفا لحظة صفا
وضاعت معاها.. الابتسامات
وسكنت جوه..قلوبنا الآهات
واللى فاضل منك ومنى
يدوب حبة رنات
أصلها غالية علينا
تمن المكالمات
وتقولى
ما انا فى بداية
طريق لم القرشنات
لجل احوش وارجع
محمل اشى وشويات
عشان ابوكى يرضى عنى
ويكمل الجوازة
ونعيش فى تبات ونبات
ونجيب الصبيان والبنات
معقولة ده يا ناس
الحب مبقاش إحساس
بقا سلعة تتباع بفلوس
وبيها على النفوس
بندوس
والله خسارة على
الحلم اللى بقا كابوس
فتح المزاد لم البنات
قرب يا بيه عروسة
تتباع بفلوس
واللى معهوش
ما يلزموش
واللى معاه قرشنات
فى الهنا يبات
يختار أحلى البنات
ارجع وأقول
والله خسارة
ع الحلم اللى بقا
كابوس
فلوس فلوس فلوس
ناقص نتحط فى
الفترينات
كابوس
بقلم.. صباح ضاحى
شاهد المزيد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.