#فهمى_على *** افرد ايديك *** جريدة رواد الغد الثقافية
*** افرد ايديك ***
يا صبح من خلف البيبان الموصدة
عشمان يهل
فاتح عيونه السهرانين المجهدين .. علشان يطل
هو انت ليه دايما دايما ايديك متكتفين و بكاك وجع
و تملى ليه بتخاف لشكواك تخرسك ... فتملى بتوشوش ودع
من اد ايه ليلك فرد لك طرحته .. و بدر سكات
من اد ايه فى السجن دا عاصبين عنيك و الحلم مات
من اد ايه ضحكك اهات
يا صبح من خلف البيبان الموصدة ما تضمنيش
افرد ايديك .. لم الخيوط المجهدة ... و صمم تعيش
صمم تكون لك سكتك
او ضحكتك
و احلف تكون و ما تتنسيش
شاهد المزيد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.