جريدة رواد الغد الثقافية

قصيدة....

كسر العيال اسلوب حياة

انا الطفل اللى عاش عمره متكسر..

انا القلب اللى باش من كتر ما "اتعسكر"

انا الشاى اللى عمره ما اتسكر..

انا الناى الحزين بسكر..

انا اللى قابلت الدنيا "بالاحزان"

وانا المكتوب عليا مش "انسان"

كتبو انى بتحمل..

بدوس ع الصعب "وبكمل"

ونسيو ان انا "عيان"

لاكن عمرى ما بتألم..

ولا بحكى ولا "اتكلم"

واسيب الدنيا تكسرنى..

واكمل فيها مكسور..

واهاجر كل بؤر النور..

واعيش وحدتى "دايما"

وروحى الحزينة تبور..

لحد اما أاان الاوان "امشى"

واسيب الحلم اللى "مكملشى"

انا بس كان نفسي..

اعيش فيها "متهانشي"

لاكن جرحى القوى قرر..

يعيشنى الحياة "ميت"

يحققلى ضياع "حلمى"

يوريلى دمعتى فـ المى..

واسيب الدنيا تكرهنى..

واخسر فـ الحياة "رهنى"

ابوبكر محمد فهيم

تابعنا