جريدة رواد الغد الثقافية

حكي الصمت

ياساكتة و بالصمت عم تحكي

عين الوفا بالروح عم تشكي

شمّيت ريح المر بالنهدات

شفت الاسا و الدر بالنظرات

دم و دمع عالخد عم تبكي

متل القمر بسكون هالليلات

شاهد بعين النور احبابو

متل الزهر بيفوح بالعطرات

ساكت ايادي يدور بعبابو

متل السحر بخدود هالنجمات

يحمل بسحر الضي مصبابو

يغمض ع سر الليل و العتمات

نورو انتلا حكايات مسكابو

متل الكروم خمور بالعنبات

يعصر بروح الآه بعنابو

يسكن خوابي دهور للخلوات

يصهر حنين الآخ بكعابو

والشمس همسة فجر بالدفوات

تدعم برد كانون و حطابو

وتهب نار الحب بالنهدات

هيهات يبقى اللوع لصحابو

نكنك صمت و سكوت هالقطرات

تحكي شقا محزون و طيابو

هالعين باب الروح و النبضات

و المر نكهة حب بعذابو

عمر الشجر ما يمن للزهرات

يعطي الثمر بالخير ل لبابو

عمري ماشفت الشوك بالوردات

يجرح بخدا يوم بنيابو

ولا شمس تحرق شمس بجمرات

ولا ليل يشكي هموم لسرابو

انتي الشجر والمي و الشمسات

ونحنا لروح العف وذوابو

بالروح نفدي الصمت و السكتات

يانور قلب الروح و عتابو

رامز عيد

تابعنا