جريدة رواد الغد الثقافية

لونى كافيه

***********

ما اخترت لونى يكون كافيه

ما اخترت روحى ولاا حياتى

كأنى غايب توّى جيت

نفسى لقيت ...

كل اللى فات ده كان منابى

ولا نص يوم من اختيارى

***

ما كان بأيدى ..

أبدأ نهارى وما انهى ليلى

ولا

احب ايه ولا اكره ايه .

ولا قبل ما اجى

اخترت جارى

ما اخترت ليا

حتى دارى

كل اللى فاكره انى جيت .

**★**

لملمت روحى و ابتديت

سكة طريق عنّى غريب

بنيت لى بيت

زى العبيد

رمله و حديد

مفيش جديد

زحمه الحياه عايزه العنيد

****

انا مش عنيد

قلبى طريد

كتير بكيت

وحدى ناديت

ولاا حد سامع منى صوت

انا ما اشتكيت

بس اكتفيت بكى ونحيب

ربى شهيد ربى منيب

*****

بقلمى بهاء اللبودى

تابعنا