ازيكم #عماد_صلاح
ازيكم...
قبل أما اعاتب حد فيكم...
او ألوم...
وقبل مسمع عزركم...
أحب اقول ازيكم...
من أمتي وانتو مبتجونيش...
ولا حد همه عني شئ...
اموت انا او حتي أعيش...
ع القهوة بقعد بالساعات...
وأطلب حجات...
واتمني بس تطلو طله...
لا كن مافيش...
فاكرين زمان...
والقعده علي نصيه حارتنا...
والمشي في نصاص الليالي...
كنتو حاضرين كل ليله...
مكنش حالي هوا حالي...
كنا واعين أيوه لاكن...
كنا ضربينها طناش...
لا عملنا مرة حساب لبكره...
ولا فينا واحد راح مجاش...
والحظ كان عاصي علينا...
وبدري بدري طلع معاش...
مهمناش...
الضحكه كانت رأس مالنا...
واللمه سر ظهور جمالنا...
والعمر بيعينه ببلاش...
وغيبته فجأه...
وقولتلو راجعين بكره تاني...
والقهوه فضيت...
حتي الكراسي بقت تعاني...
وكل واحد قال هيرجع...
راح مجاش...
كل اللي خدناه منكم...
غير هجركم...
صوره تهون بعدكم...
يااااااااه...
بابص فيها ارتاح قوي...
وأحس اني وسطكم...
وأبدأ الومكم ع الغياب...
وقبل مبدأ بالعتاب...
أقول لكم...
ازيكم...
♡☆♡☆♡☆♡☆♡☆♡☆
شاهد المزيد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.