ولا هما ولاد جارنا
**************
ندارى خوفنا بإيدينا ونخفى شئ محيرنا
ونتباهى نقول أحرار وكان العار فى مشوارنا
ونعمل روحنا قال أبطال ونبدأ نحكى أسرارنا

ونشكى سنين لقلب حزين لسجن الموت يوصلنا
وفجأه صوتنا يخدعنا وينقش كدب فى جدارنا
نلاقى النار بتكوينا وتزرع شوك ف أوتارنا
بنسقى السم جوه الدار بيحصد نار فى أعمارنا
وبين الغدر والأسوة شربنا المُر وإختارنا
وعشنا بين عذاب وسراب وتوب المكر غيرنا
لا هما دول ولاد الدار ولا هما ولا د جارنا
لا هما دول مرايتنا ولا بيتنا ولا عايشين ف أفكارنا
لاهما دول روايتنا ولا بيهم نهايتنا ولا صوتهم بيكسرنا
لاهما دول عدم موصول علل وتذول ولا موتهم يحسرنا
محمد سالم 
يونيو 2016

شارك